صدمہ تو ہے مجھے بھی کہ تجھ سے جدا ہوں میں

لیکن یہ سوچتا ہوں کہ اب تیرا کیا ہوں میں

sadma to hai mujhe bhi ke tujh se judda hon mein
lekin yeh sochta hon ke ab tera kya hon mein

بکھرا پڑا ہے تیرے ہی گھر میں ترا وجود

بے کار محفلوں میں تجھے ڈھونڈتا ہوں میں

bikhra para hai tairay hi ghar mein tra wujood
be car mehafilon mein tujhe dhoondata hon mein

میں خودکشی کے جرم کا کرتا ہوں اعتراف

اپنے بدن کی قبر میں کب سے گڑا ہوں میں

mein khudkushi ke jurm ka karta hon aitraaf
–apne badan ki qabar mein kab se gara hon mein

کس کس کا نام لاؤں زباں پر کہ تیرے ساتھ

ہر روز ایک شخص نیا دیکھتا ہوں میں

kis kis ka naam lau zuba par ke tairay sath
har roz 1 shakhs naya daikhta hon mein

کیا جانے کس ادا سے لیا تو نے میرا نام

دنیا سمجھ رہی ہے کہ سچ مچ ترا ہوں میں

kya jane kis ada se liya to ne mera naam
duniya samajh rahi hai ke sach mach tra hon mein

پہنچا جو تیرے در پہ تو محسوس یہ ہوا

لمبی سی ایک قطار میں جیسے کھڑا ہوں میں

pouncha jo tairay dar pay to mehsoos yeh sun-hwa
lambi si aik qitaar mein jaisay khara hon mein

لے میرے تجربوں سے سبق اے مرے رقیب

دو چار سال عمر میں تجھ سے بڑا ہوں میں

le mere tajarbon se sabaq ae marey raqeeb
do chaar saal Umar mein tujh se bara hon mein

جاگا ہوا ضمیر وہ آئینہ ہے قتیلؔ

سونے سے پہلے روز جسے دیکھتا ہوں میں

jaaga sun-hwa zameer woh aaina hai qateelؔ
sonay se pehlay roz jisay daikhta hon mein

——————–Qateel Shifai Shayari————————

یارو کہاں تک اور محبت نبھاؤں میں

دو مجھ کو بد دعا کہ اسے بھول جاؤں میں

yaaro kahan tak aur mohabbat nibhaun mein
do mujh ko bad dua ke usay bhool jaoon mein

دل تو جلا کیا ہے وہ شعلہ سا آدمی

اب کس کو چھو کے ہاتھ بھی اپنا جلاؤں میں

dil to jala kya hai woh shola sa aadmi
ab kis ko chhoo ke haath bhi apna jalau mein

سنتا ہوں اب کسی سے وفا کر رہا ہے وہ

اے زندگی خوشی سے کہیں مر نہ جاؤں میں

santa hon ab kisi se wafa kar raha hai woh
ae zindagi khushi se kahin mar nah jaoon mein

اک شب بھی وصل کی نہ مرا ساتھ دے سکی

عہد فراق آ کہ تجھے آزماؤں میں

ik shab bhi wasal ki nah mra sath day saki
ehad faraaq aa ke tujhe aazmaon mein

بدنام میرے قتل سے تنہا تو ہی نہ ہو

لا اپنی مہر بھی سر محضر لگاؤں میں

badnaam mere qatal se tanha to hi nah ho
laa apni mohar bhi sir Mahzar lagaun mein

اترا ہے بام سے کوئی الہام کی طرح

جی چاہتا ہے ساری زمیں کو سجاؤں میں

Itra hai baam se koi ilham ki terhan
jee chahta hai saari zamee ko sajaun mein

اس جیسا نام رکھ کے اگر آئے موت بھی

ہنس کر اسے قتیلؔ گلے سے لگاؤں میں

is jaisa naam rakh ke agar aaye mout bhi
hans kar usay قتیلؔ gilaay se lagaun mein